ఆంధ్రప్రదేశ్ శాశ్వత రాజధానిగా అమరావతికి చట్టబద్ధత కల్పించే బిల్లు బుధవారం పార్లమెంట్ ముందుకు రానుంది. దీని ద్వారా 2024 జూన్ 2వ తేదీ నుంచి అమరావతిని రాజధానిగా అధికారికంగా గుర్తించనున్నారు.
కేంద్ర హోంశాఖ సహాయ మంత్రి నిత్యానందరాయ్ ఈరోజు మధ్యాహ్నం 12 గంటలకు లోక్సభలో ఏపీ పునర్వ్యవస్థీకరణ(సవరణ) బిల్లు-2026ను ప్రవేశపెడతారు.
బిల్లుపై లోక్సభలో చర్చ అనంతరం మూజువాణి ఓటుతో ఆమోదం పొందే అవకాశం ఉంది. ఆ తర్వాత గురువారం రాజ్యసభలోనూ దీనిని ఆమోదించి, శాశ్వత రాజధానిగా అమరావతికి చట్టబద్ధత కల్పిస్తారు.
ఈ బిల్లు ఆమోదం పొందితే, ఆంధ్రప్రదేశ్ రాష్ట్రానికి అమరావతి శాశ్వత రాజధానిగా చట్టబద్ధత లభిస్తుంది. ఇది రాష్ట్ర అభివృద్ధిలో ఒక కీలక ఘట్టంగా పరిగణించబడుతుంది.
రాష్ట్ర రాజకీయ వర్గాల్లో ఈ పరిణామంపై భిన్నాభిప్రాయాలు వ్యక్తమవుతున్నాయి. బిల్లు ఆమోదంపై సర్వత్రా ఆసక్తి నెలకొంది.
