నిజామాబాద్, 2026-07-20
ఎన్నికల సమయంలో ఇచ్చిన హామీలను కాంగ్రెస్ ప్రభుత్వం అమలు చేయకుండా ప్రజలను మోసం చేసిందని ఆర్మూర్ ఎమ్మెల్యే రాకేష్ రెడ్డి ఆరోపించారు. కళ్యాణలక్ష్మి పథకం కింద తులం బంగారం, మహిళలకు స్కూటీలు వంటి వాగ్దానాలను విస్మరించిందని విమర్శించారు. రాష్ట్రంలో కాంగ్రెస్ ప్రభుత్వంపై ప్రజల్లో తీవ్ర అసంతృప్తి నెలకొందని, రానున్న ఎన్నికల్లో బీజేపీ అత్యధిక స్థానాలు గెలుచుకుని ప్రభుత్వాన్ని ఏర్పాటు చేస్తుందని ఆయన ధీమా వ్యక్తం చేశారు.
ఎన్నికల సమయంలో ఇచ్చిన హామీలను కాంగ్రెస్ ప్రభుత్వం అమలు చేయకుండా ప్రజలను మోసం చేసిందని ఆర్మూర్ ఎమ్మెల్యే రాకేష్ రెడ్డి ఆరోపించారు. ఆదివారం అంకాపూర్లోని తన నివాసంలో నిర్వహించిన విలేకరుల సమావేశంలో ఆయన మాట్లాడారు.
కళ్యాణలక్ష్మి పథకం కింద లబ్ధిదారులకు తులం బంగారం అందజేస్తామని హామీ ఇచ్చిన కాంగ్రెస్ ప్రభుత్వం ఆ వాగ్దానాన్ని విస్మరించిందని విమర్శించారు. మహిళలకు తాను అండగా ఉంటానని పేర్కొన్నారు. కాంగ్రెస్ నాయకులు ప్రజలకు ఇచ్చిన హామీలను నెరవేర్చలేకపోయారని ఆరోపిస్తూ, ఆ విషయాన్ని ప్రజల్లోకి తీసుకెళ్లాలని పిలుపునిచ్చారు. అలాగే మహిళలకు స్కూటీలు అందజేస్తామని ప్రకటించి ఆ హామీని కూడా అమలు చేయలేదని అన్నారు.
రాష్ట్రంలో కాంగ్రెస్ ప్రభుత్వంపై ప్రజల్లో తీవ్ర అసంతృప్తి నెలకొందని, రానున్న ఎన్నికల్లో బీజేపీ అత్యధిక స్థానాలు గెలుచుకుని ప్రభుత్వాన్ని ఏర్పాటు చేస్తుందని రాకేష్ రెడ్డి ధీమా వ్యక్తం చేశారు.
బీజేపీ జిల్లా అధ్యక్షుడు దినేష్ కులాచారి మాట్లాడుతూ, కాంగ్రెస్ ప్రజాప్రతినిధులతో బహిరంగ చర్చకు ఎమ్మెల్యే రాకేష్ రెడ్డి సిద్ధంగా ఉన్నారని తెలిపారు. అయితే, పోలీసులు ఆయనను గృహ నిర్బంధం చేయడంతో ఆ అవకాశం లేకుండా పోయిందని ఆరోపించారు.
ఎల్నినో ప్రభావంతో జిల్లాలో వర్షాభావ పరిస్థితులు నెలకొన్నాయని, జిల్లాకు జీవనాడిగా భావించే శ్రీరాంసాగర్ ప్రాజెక్టులో నీటి కొరత తీవ్రంగా ఉందన్నారు. రైతులు నాట్లు వేసి వర్షాల కోసం ఎదురుచూస్తున్నారని చెప్పారు.
టీపీసీసీ అధ్యక్షుడు మహేష్ కుమార్ గౌడ్ను అంకాపూర్కు ఆహ్వానిస్తున్నామని, ఎమ్మెల్యే నివాసానికి వస్తే అంకాపూర్ చికెన్తో ఆతిథ్యం ఇచ్చిన అనంతరం అభివృద్ధి అంశాలపై చర్చకు సిద్ధమని తెలిపారు. ఆర్మూర్, ఇందూరు నియోజకవర్గాల అభివృద్ధిని ఎవరు అడ్డుకుంటున్నారో ప్రజలకు బాగా తెలుసని దినేష్ కులాచారి పేర్కొన్నారు.
