కొత్తపల్లిలో ఇందిరా గాంధీ వర్ధంతి సందర్భంగా ఘన నివాళులు

సంగారెడ్డి/పటాన్ చెరు, అక్టోబర్ 31 (ప్రశ్న ఆయుధం న్యూస్): సంగారెడ్డి జిల్లా గుమ్మడిదల మండలం కొత్తపల్లి గ్రామంలో స్వర్గీయ భారతరత్న ఇందిరా గాంధీ వర్ధంతి సందర్భంగా ఆమె విగ్రహానికి పూలమాల వేసి ఘన నివాళులు అర్పించారు. ఈ సందర్భంగా ఆత్మ కమిటీ చైర్మన్ కొత్తపల్లి శ్రీనివాస్ రెడ్డి మాట్లాడుతూ.. భారతదేశ తొలి మహిళా ప్రధానిగా ఇందిరా గాంధీ దేశ అభివృద్ధి కోసం అహర్నిశలు శ్రమించారని, “గరీబ్ హటావో” నినాదంతో పేద ప్రజలకు న్యాయం చేసిన మహానాయకురాలిగా గుర్తించబడిందని తెలిపారు. ఈ కార్యక్రమంలో కాంగ్రెస్ పార్టీ గ్రామ అధ్యక్షుడు చాకలి చంద్రయ్య, యూత్ అధ్యక్షుడు లింగయ్య, నాయకులు హనుమంత రెడ్డి, ఆగం రాజు, నీరుడి నర్సింలు, ఆగం శ్రీను, రాజు గౌడ్, ఆగం మల్లేష్, కొక్కొండ సురేష్, కొక్కొండ నవీన్ తదితరులు పాల్గొన్నారు.