మాలలు సింహ గర్జన వాల్ పోస్టర్ ను ఆవిష్కరించిన ఎమ్మెల్యే వివేక్ వెంకటస్వామి

సంగారెడ్డి ప్రతినిధి, నవంబరు 28 (ప్రశ్న ఆయుధం న్యూస్): హైదరాబాదులో చెన్నూరు ఎమ్మెల్యే వివేక్ వెంకటస్వామి చేతుల మీదుగా డిసెంబర్ 1న జరగబోయే మాలలు సింహ గర్జన వాల్ పోస్టర్ ను సంగారెడ్డి జిల్లా కమిటీ ఆధ్వర్యంలో ఆవిష్కరించారు. ఈ సందర్భంగా చెన్నూరు ఎమ్మెల్యే వివేక్ వెంకటస్వామి మాట్లాడుతూ.. మాల ఆత్మ గౌరవాన్ని ఈ సమాజానికి చాటి చెప్పలని, మాలల సింహగర్జనను అన్ని జిల్లాల నుండి మాలలు పెద్ద సంఖ్యలో తరలివచ్చి విజయవంతం చేయాల్సిందిగా కోరారు. ఈ కార్యక్రమంలో అంబేద్కర్ సేవా సమితి రాష్ట్ర అధ్యక్షుడు కొండాపురం జగన్, సంగారెడ్డి డివిజన్ అధ్యక్షుడు బైండ్ల అశోక్ కుమార్, జిల్లా నాయకులు పంబాల దుర్గాప్రసాద్, మన్నె సాగర్, సురేష్, ప్రమోద్, పురుషోత్తం, ఉదయ్, వెంకటేష్, తరుణ్ తదితరులు పాల్గొన్నారు.