నిజామాబాద్, 2026-07-26
నిజామాబాద్లోని శ్రీ నూతన వైశ్య ఉన్నత పాఠశాలలో 1976–77 విద్యా సంవత్సరంలో పదో తరగతి చదివిన పూర్వ విద్యార్థులు తమ విద్యాభ్యాసం ప్రారంభించి 50 ఏళ్లు పూర్తయిన సందర్భంగా స్వర్ణోత్సవ వేడుకలను ఘనంగా నిర్వహించారు. ఈ ఆత్మీయ సమ్మేళనంలో పూర్వ విద్యార్థులు కుటుంబ సభ్యులతో కలిసి పాల్గొని పాత జ్ఞాపకాలను నెమరువేసుకున్నారు.
శ్రీ నూతన వైశ్య ఉన్నత పాఠశాలలో 1976–77 విద్యా సంవత్సరంలో పదో తరగతి చదివిన పూర్వ విద్యార్థులు తమ విద్యాభ్యాసానికి 50 సంవత్సరాలు పూర్తయిన సందర్భంగా స్వర్ణోత్సవ వేడుకలను ఘనంగా నిర్వహించారు. నగరంలోని ఓ ప్రైవేట్ ఫంక్షన్ హాల్లో జరిగిన ఈ ఆత్మీయ సమ్మేళనంలో పూర్వ విద్యార్థులు కుటుంబ సభ్యులతో కలిసి పాల్గొని ఆనందోత్సాహాల మధ్య గడిపారు.
ఈ సందర్భంగా పాఠశాల రోజులను గుర్తుచేసుకుంటూ అప్పటి మధుర జ్ఞాపకాలను నెమరువేసుకున్నారు. తమకు విద్యాబుద్ధులు నేర్పి జీవితానికి బాటలు వేసిన గురువులను ఘనంగా సత్కరించి కృతజ్ఞతాభివందనాలు తెలిపారు.
పూర్వ విద్యార్థులు మాట్లాడుతూ, ఐదు దశాబ్దాల అనంతరం అందరూ ఒకే వేదికపై కలుసుకోవడం జీవితంలో మరపురాని అనుభూతిగా నిలిచిందని పేర్కొన్నారు. వయసును మరచి ఆటలు, పాటలు, డీజే సంగీతానికి ఉత్సాహంగా నృత్యాలు చేస్తూ వేడుకలను సందడిగా జరుపుకున్నారు. ఈ ఆత్మీయ కలయిక అందరిలోనూ పాత అనుబంధాలను మరోసారి సజీవం చేసింది.
