నిజామాబాద్, జూలై 10
ప్రత్యేక ఓటరు జాబితా సమగ్ర సవరణ (ఎస్ఐఆర్) ప్రక్రియపై ప్రజలకు అవగాహన కల్పించేందుకు నిజామాబాద్ నగరంలోని పలు డివిజన్లలో కాంగ్రెస్ పార్టీ ఆధ్వర్యంలో అవగాహన కార్యక్రమాలు జరిగాయి. అర్హులైన ప్రతి ఓటరు ఎన్యూమరేషన్ ఫారాలను నింపి సమర్పించాలని పార్టీ నాయకులు సూచించారు.
ప్రత్యేక ఓటరు జాబితా సమగ్ర సవరణ (ఎస్ఐఆర్) ప్రక్రియపై ప్రజల్లో అవగాహన కల్పించేందుకు నిజామాబాద్ నగరంలోని 42, 41, 40, 17, 11, 8, 27, 34 డివిజన్లలో శుక్రవారం కాంగ్రెస్ పార్టీ ఆధ్వర్యంలో అవగాహన కార్యక్రమాలు నిర్వహించారు.
డీసీసీ అధ్యక్షుడు బొబ్బిలి రామకృష్ణ నాయకత్వంలో జరిగిన ఈ కార్యక్రమంలో ఎస్ఐఆర్ అర్బన్ కోఆర్డినేటర్ ఆకుల లలిత పాల్గొన్నారు.
ఈ సందర్భంగా బొబ్బిలి రామకృష్ణ మాట్లాడుతూ, ప్రత్యేక ఓటరు జాబితా సమగ్ర సవరణ (ఎస్ఐఆర్) ప్రక్రియ అత్యంత కీలకమైనదని, అర్హులైన ప్రతి ఓటరు తప్పనిసరిగా ఎన్యూమరేషన్ ఫారాలను నింపి సమర్పించాలని కోరారు. గత 2002 ఓటరు జాబితా ఆధారంగా అవసరమైన వివరాలను నమోదు చేయాలని సూచించారు.
కాంగ్రెస్ పార్టీ బూత్ లెవల్ ఏజెంట్లు తమ పరిధిలోని ప్రతి బూత్లో అందుబాటులో ఉండి ప్రజలకు ఎన్యూమరేషన్ ఫారాలు నింపడంలో సహకరించాలని తెలిపారు. అలాగే బీఎల్ఏ సూపర్వైజర్లు తమకు కేటాయించిన డివిజన్లలో ఎస్ఐఆర్ ప్రక్రియను నిరంతరం పర్యవేక్షించాలని, బూత్ లెవల్ అధికారులు (బీఎల్వోలు)తో సమన్వయం చేసుకుంటూ కార్యక్రమాన్ని విజయవంతం చేయాలని సూచించారు.
ఈ కార్యక్రమంలో బీఎల్ఏ సూపర్వైజర్లు అవీన్, సాయి బసవ, శివచరణ్, బంటు బలరాం, శోభన్, లవంగ ప్రమోద్, డివిజన్ ఇన్చార్జీలు రమేష్, అన్వర్, కరీముద్దీన్, సాయిలు, నరేందర్, ప్రవీణ్ గౌడ్, మహేష్ తదితరులు పాల్గొన్నారు.
