స్మశాన వాటికల అభివృద్ధిపై కామారెడ్డిలో సదర్ సంఘం సమావేశం

స్మశాన వాటికలను సమాజానికి అత్యవసరమైన మౌలిక సదుపాయాలుగా పరిగణించాలని, వాటి అభివృద్ధికి కుల, పార్టీ భేదాలకు అతీతంగా అందరూ కలిసిరావాలని గడ్డం చంద్రశేఖర్ రెడ్డి పిలుపునిచ్చారు. పట్టణంలోని వైకుంఠ దామాలు ప్రస్తుతం నిర్లక్ష్యానికి గురై శిథిల స్థితిలో ఉన్నాయని, వాటి పునరుద్ధరణకు తక్షణ చర్యలు తీసుకోవాలని ఆయన కోరారు.

సేవా దృక్పథంతో ముందుకు వచ్చిన వ్యాపారవేత్త తిమ్మయ్య కుటుంబానికి చెందిన సుభాష్‌ను ఆయన అభినందించారు. సమాజ సేవలో భాగంగా స్మశాన వాటికల అభివృద్ధికి ఆయన తీసుకున్న చొరవను ప్రశంసించారు. సదర్ సంఘం సభ్యులతో సమన్వయం చేసుకుని అభివృద్ధి పనులను వేగవంతం చేయాలని సూచించారు.

ఈ సమావేశంలో వివిధ కుల సంఘాల అధ్యక్షులు, ప్రముఖులు పాల్గొన్నారు. సంఘ ప్రతినిధులు గడ్డం చంద్రశేఖర్ రెడ్డికి కృతజ్ఞతలు తెలిపారు.