కామారెడ్డిలో బదిలీపై వెళ్తున్న అధికారులకు సన్మానం

జిల్లా కలెక్టర్ ఆశిష్ సాంగ్వాన్ మాట్లాడుతూ, బదిలీపై వెళ్తున్న అధికారుల సేవలను ప్రశంసించారు. జిల్లా అభివృద్ధి, సంక్షేమ కార్యక్రమాల అమలులో వారు అందించిన సేవలు అభినందనీయమని పేర్కొన్నారు. వారి భవిష్యత్ బాధ్యతల్లో మరింత ఉన్నత స్థానాలను అధిరోహించాలని ఆకాంక్షిస్తూ శుభాకాంక్షలు తెలిపారు.

ఈ కార్యక్రమంలో అదనపు కలెక్టర్ (రెవెన్యూ), అదనపు కలెక్టర్ (స్థానిక సంస్థలు), జిల్లా రెవెన్యూ అధికారి (డీఆర్వో)తో పాటు వివిధ శాఖల జిల్లా అధికారులు పాల్గొన్నారు. అధికారులు వారి సేవలను గుర్తుచేసుకుంటూ అభినందనలు తెలియజేశారు.

అనంతరం ఎం. సతీష్, కె. జయరాజ్ లను శాలువాలు, జ్ఞాపికలతో ఘనంగా సన్మానించారు. జిల్లా పౌర సంబంధాల అధికారిణి, కామారెడ్డి జిల్లా వారి చే ఈ ప్రకటన జారీ చేయబడింది.