కరీంనగర్ జిల్లాలో రాజకీయ వాతావరణం వేడెక్కడంతో, మాజీ మంత్రి గంగుల కమలాకర్ ను పోలీసులు గృహ నిర్బంధం చేశారు. దీంతో జిల్లాలో ఉద్రిక్త పరిస్థితులు నెలకొన్నాయి.
బిజెపి శ్రేణుల దాడికి నిరసనగా బిఆర్ఎస్ పార్టీ కరీంనగర్ జిల్లా బంద్ కు పిలుపునిచ్చింది. ఈ నేపథ్యంలో, పోలీసులు ఎమ్మెల్యే గంగుల కమలాకర్ ను ఆయన నివాసంలో నిర్బంధించారు.
ఇటీవల ఎమ్మెల్యే క్యాంపు కార్యాలయం వద్ద పాడి కౌశిక్ రెడ్డి వాహనంపై దాడి జరిగిన నేపథ్యంలో, బిఆర్ఎస్ శ్రేణులు ఈ బంద్ కు పిలుపునిచ్చినట్లు తెలుస్తోంది. వ్యాపార, విద్యా సంస్థలు స్వచ్ఛందంగా బంద్ లో పాల్గొనాలని పిలుపునిచ్చారు.
దీనికి ప్రతిస్పందనగా, బిజెపి నాయకులు బంద్ ను విఫలం చేయాలని, వ్యాపార సంస్థలకు తాము అండగా ఉంటామని, దుకాణాలు సజావుగా తెరిచి ఉంచుకోవాలని పిలుపునిచ్చారు. ఈ పరిణామాల నేపథ్యంలో, కరీంనగర్ పట్టణంలో ఉద్రిక్త పరిస్థితులు నెలకొన్నాయి.
నగర వ్యాప్తంగా పోలీసులు భారీగా మోహరించి, నాయకులను ముందస్తుగానే అదుపులోకి తీసుకున్నారు. ఈ సంఘటనలు జిల్లా రాజకీయాల్లో తీవ్ర చర్చనీయాంశమయ్యాయి.
