తెలంగాణ రాష్ట్రంలో జిల్లా ప్రజా పరిషత్ ప్రాదేశిక నియోజక వర్గాల (జడ్పీటీసీ), మండల ప్రజా పరిషత్ ప్రాదేశిక నియోజక వర్గాల (ఎంపీటీసీ) ఎన్నికల నిర్వహణకు రాష్ట్ర ఎన్నికల సంఘం సన్నాహాలు ప్రారంభించింది. ఈ మేరకు ఓటర్ల జాబితాను సిద్ధం చేయాలని ఆదేశాలు జారీ చేసింది.
రాష్ట్ర ఎన్నికల సంఘం శుక్రవారం సాయంత్రం జారీ చేసిన ఉత్తర్వుల ప్రకారం, తెలంగాణలో జడ్పీటీసీ, ఎంపీటీసీ ఎన్నికలకు రంగం సిద్ధమైంది. గతంలో జరిగిన గ్రామ పంచాయతీ, మున్సిపల్ ఎన్నికల అనంతరం, ఇప్పుడు మండల, జిల్లా పరిషత్లకు ఎన్నికలు నిర్వహించేందుకు అధికారులు కసరత్తు చేస్తున్నారు. ఈ ఎన్నికల ప్రక్రియ కోసం ఓటర్ల జాబితాను సిద్ధం చేయాలని సంబంధిత అధికారులను ఆదేశించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
పరిస్థితులు అనుకూలిస్తే వచ్చే మే నెలలోనే జడ్పీటీసీ, ఎంపీటీసీ ఎన్నికల పోలింగ్ జరిగే అవకాశాలున్నాయని విశ్వసనీయ వర్గాల సమాచారం. హైదరాబాద్, మేడ్చల్-మల్కాజిగిరి జిల్లాలను మినహాయించి, మిగిలిన అన్ని జిల్లాల కలెక్టర్లకు ఎన్నికల నిర్వహణపై ఎన్నికల సంఘం మార్గనిర్దేశం చేసింది. ఈ ఎన్నికలు కేంద్ర ఎన్నికల సంఘం 2025 జూలై 10 నుండి 2026 ఫిబ్రవరి 5 వరకు సమీకరించిన ఓటర్ల జాబితా ఆధారంగా నిర్వహించబడతాయి.
